Lauge Koch (Kærby bij Kalundboarch, 30 july 1892 – Kopenhagen, 5 juny 1964) wie in Deenske geolooch, poalûndersiker en heechlearaar. Hy hie de lieding fan 24 ekspedysjes nei Grienlân.
Koch beselskippe Knud Rasmussen op dy syn twadde Thule-ekspedysje (1916-1918) as geolooch en kartograaf. Yn de ekspedysje nei Noard-Grienlân (1920-1923) foltôge hy it yn kaart bringen fan de hiele kust fan Grienlân en 1921 wie er de earste minske dy't foet op it eilân Kaffeklubben sette. Hy sketste doe as earste in geologysk byld fan it goa. Sûnt hâlde Koch benei permanint op Grienlân, as oanfierder fan Deenske ekspedysjes. Yn 1938 liet hy middels loftfoto's sjen dat it 'Pearykanaal' dêr't salang nei socht wie, oars net as in fjord wie.
Koch syn arbeid smiet goed 200 publikaasjes op mei totaal sa'n 22.000 siden.